ՆՈՐՈՒԹՅՈՒՆՆԵՐ

Նոր ուսումնասիրությունը պարզել է, թե որ քաղաքներում են մարդիկ առավել ազնիվ՝ օգտագործելով բարոյականության դասական չափանիշ՝ կորած դրամապանակ, գրում է Daily Mail-ը:

Փորձն անցկացվել է 16 խոշոր քաղաքներում, Reader’s Digest-ի պատվերով: Յուրաքանչյուր քաղաքի տեսանելի վայրում թողնվել է 12-ական դրամապանակ՝ ընտանեկան լուսանկարներով, կոնտակտային տվյալներով և 30 ֆունտ ստեռլինգին համարժեք գումարով:

192 դրամապանակներից վերադարձվել է կեսից քիչը, ընդ որում՝ արդյունքները տարբերվել են ըստ քաղաքների:

Հելսինկիում վերադարձվել է 11 դրամապանակ, մինչդեռ Լիսաբոնում միայն մեկը:

Աշխարհի «ամենաազնիվ» և «անազնիվ» քաղաքների ցանկը՝ ըստ վերադարձված դրամապանակների, ունի հետևյալ տեսքը.

Հելսինկի, Ֆինլանդիա-11,
Մումբայ, Հնդկաստան-9,
Բուդապեշտ, Հունգարիա-8,
Նյու Յորք, ԱՄՆ-8,
Մոսկվա, Ռուսաստան-7,
Ամստերդամ, Նիդեռլանդներ-7,
Բեռլին, Գերմանիա-6, 
Լյուբլյանա, Սլովենիա-6, 
Լոնդոն, Մեծ Բրիտանիա-5,
Վարշավա, Լեհաստան-5, 
Բուխարեստ, Ռումինիա-4,
Ռիո դե Ժանեյրո, Բրազիլիա-4,
Ցյուրիխ, Շվեյցարիա-4,
Պրահա, Չեխիա-3,
Մադրիդ, Իսպանիա-2,
Լիսաբոն, Պորտուգալիա-1:

Աղբյուր՝ Թերթ.am