ՆՈՐՈՒԹՅՈՒՆՆԵՐ

Համաձայն ամերիկյան "Barna Group" քրիստոնեական կազմակերպության վերջին հետազոտությունների, հավատացյալ կանայք ավելի ակտիվորեն են մասնակցում երկրի քաղաքական կյանքին, քան հավատացյալ տղամարդիկ:

Այս աշնանը կայանալիք քվեարկությանը որոշել են մասնակցել քրիստոնյա կանանց 79%-ը և եկեղեցի հաճախող տղամարդկանց 76%-ը: Անհավատների մոտ գրանցվել է հակառակ վիճակագրությունը՝ ընտրություններին կմասնակցեն տղամարդկանց 60%-ը, իսկ կանանց 52%-ը:

Վերլուծելով արդյունքները, կազմակերպության մասնագետները հանգել են եզրակացության, որ բոլոր ընտրողների 30%-ը կկազմեն հավատացյալ կանայք:

Շատերին զարմացրել են նաև այն հասարակական խնդիրները, որոնք մտահոգում են քրիստոնյա կանանց: Այս կամ այն թեկնածուի օգտին քվեարկելու համար կին քրիստոնյաները կողմնորոշվում են, հիմնվելով թե ինչ դիրքորոշում ունի թեկնածուն առողջապահական խնդիրների (կին քրիստոնյաների 75%), հարկերի (65%), զբաղվածության (58%) նկատմամբ: Իսկ այնպիսի մտահոգիչ թեմաները, ինչպիսիք են համասեռ ամուսնությունները (31%), արհեստական վիժեցումները (29%) և շրջակա միջավայրի պաշտպանությունը (25%) հայտնվել են ամերիկացի կին քրիստոնյաներին հուզող հարցերի ցուցակի վերջում:

Հարցումն անց է կացվել մարտ ամսին: Մասնակցել են ԱՄՆ 1005 չափահաս քաղաքացիներ: Նրանցից 647 մարդ նախատեսել է մասնակցել ընտրություններին, որից 234-ը քրիստոնյա կանայք են:

Աղբյուր՝ invictory.org