ՆՈՐՈՒԹՅՈՒՆՆԵՐ

2013 թ. սեպտեմբեր 24-ին տեղի ունեցավ  ամերիկացի  քրիստոնեական դերասան , պրոդյուսեր եւ կոմպոզիտոր Քըրք Քամերոնի « Unstoppable » (Անպարտը) ֆիլմի շնորհանդեսը:  Ֆիլմը ցուցադրվել է  ԱՄՆ-ի 700 կինոթատրոններում, և տոմսերի վաճառքից ստացված հասույթը կազմել է 2 մլն դոլար. հայտնում է քրիստոնեական մեգապորտալ invictory.com-ը՝ վկայակոչելով CharismaNews-ին:

Հաղորդագրության մեջ ասվում է, որ վաճառվել է 150,000 տոմս: Ֆիլմի ցուցադրությանը զուգահեռ ներկայացվում է նաև Քամերոնի կոչը: Քանի որ շատերը դեռ չեն հասցրել դիտել ֆիլմը, նախատեսվում է հոկտեմբերի 3-ին 660 կինոթաթորոններում կրկին ցուցադրել այն:

Պետք է նշել, որ լսարանների կողմից հետաքրքրությունը ավելացավ այն բանից հետո, երբ Facebook-ը  եւ YouTube-ը նախապես արգելափակեցին ֆիլմի թրեյլերը՝ անվանելով այն «վտանգավոր» և «վիրավորական»:  Քամերոնի կողմնակիցները արձագանքել են սրան՝ դիմելով Facebook-ի եւ Youtube-ի ղեկավարություններին արգելքը հանելու խնդրանքով: Արդյունքում՝  արգելքը վերացվել է:

«Հեշտ է ուրախ լինել և հավատալ, որ քո կյանքում ամեն բան լավ կլինի, բայց երբ քո աշխարը սկսվում է փլվել, ինքդ քեզ հարց ես տալիս. «Իսկ ո՞ւր էր Աստված, երբ Նրա օգնությունն  այդքան անհրաժեշտ էր»» -, ասել է Քըրք Քամերոնը ՝ խոսելով  «Unstoppable»  ֆիլմի բովանդակության մասին :