ՆՈՐՈՒԹՅՈՒՆՆԵՐ

Ջրվեժի գեղեցիկ դահլիճներից մեկում հավաքվել էին եկեղեցու 120-ից ավելի հավատացյալներ, հյուրեր: 

Խնջույքի սկզբում հավաքվածներին համառոտ խոսքով դիմեց եկեղեցու հովիվ Տիգրան Թադևոսյանը: 

Ընդգծելով Տեր Հիսուսի ծննդյան անկարագրելի նշանակությունը, հովիվն ամփոփեց անցած տարվա հաջողություններն ու ձեռքբերումները, ներկաներին մաղթեց հաճելի երեկո:

Երեկոյի ընթացքում նվերներ հանձնեցին անցյալ տարվա ընթացքում տարբեր ոլորտներում առավել աչքի ընկած ծառայողներին, հավատացյալներին:

Հյուրասիրության, համեղ խորտիկների առատության հետ մեկտեղ եկեղեցու շնորհաշատ երիտասարդները երգում էին,

ու պարում:

Զվարճանում էին բոլորը:

Սեղանների շուրջ ընթանում էին մտերմիկ զրույցները, խմբակային «սելֆիները»:

Երիտասարդներն ու մեծահասակները չէին դադարում ուրախանալ, պարել, խաղալ ուրախ խաղեր:

Երեխաները, չնայած հոգնածությանը, չէին ուզում գնալ «նանիկ» անելու:

Խնջույքն ընթանում էր Աստծո ժողովրդին վայել ցնծությամբ, կարգապահությամբ և միմյանց նկատմամբ տածած սիրով ու հարգանքով: 

Միմյանց հետ լուսանկարվելուց հետո եկեղեցին բարի գիշեր մաղթեց միմյանց ու գնաց գիշերելու:

«Նոր սերունդ» եկեղեցին գիտի տոնել տոները: Տոնը խնդության, ուրախության օր է, եվ Սուրբ Ծնունդը՝ մեր Փրկչի ծննդյան օրը, տարեցտարի նշվում է ավելի մեծ ցնծությամբ, նվիրումով ու կազմակերպվածությամբ:

Սեփական լրատվություն::