Տիգրան Թադևոսյան
Հովիվ
Հովիվ Տիգրան Թադևոսյանը ծնվել է 1965 թվականին Երևանում։ Սովորել է Երևանի թիվ 139 անգլիական թեքումով դպրոցում (այժմ՝ Կ. Դեմիրճյանի անվան)։
Հայրենիքին ծառայելուց հետո նա շարունակեց իր կրթությունը Կույբիշևի (այժմ՝ Սամարայի) Կուլտուրայի պետական համալսարանում, ստանալով «Մշակութալուսավորչական գործունեության կազմակերպման մեթոդիստ» մասնագիտություն։
Նրա՝ արվեստի և երաժշտության հանդեպ սերն արտահայտվեց դեռ 14 տարեկանից, երբ սկսեց նվագել տարբեր գործիքների վրա, իսկ 15 տարեկանից իր տաղանդի շնորհիվ արդեն վաստակում էր ինքնուրույն։
Տիգրանի խոնարհությունը և մարդկանց հանդեպ սիրո պաշարը դարձան հովվական կոչման հիմք։
2015-ին միջազգային աստվածաբանական համալսարանի կողմից Տիգրան Թադևոսյանին շնորհվեց դոկտորի աստիճան։
Նրա առաջնորդությամբ «Նոր Սերունդ» եկեղեցին դարձել է հավատքի տուն՝ լի սրտացավությամբ, համերաշխությամբ և Աստծո զորությամբ։
Արդեն մոտ 23 տարի է, ինչ Երևանի «Նոր Սերունդ» եկեղեցին Հայաստանում տարածում է Հիսուս Քրիստոսի սիրո, հույսի և փրկության ուղերձը։
ՀԱՎԱՏՔԻ ՀԻՄՔԵՐԸ
-
Աստվածաշունչ - Մենք հավատում ենք, որ միայն և միայն Աստվածաշունչն է ճշմարիտ Աստծո Խոսքը:
(2 Տիմ. 3:16, 2 Պետ. 1:20-21) -
Եռամեկություն - Մենք հավատում ենք եռամեկության ուսմունքին՝ Հայր, Որդի« Հիսուս և Սուրբ Հոգի:
(Ծննդ. 1:26, Մթ. 28:19, 3:16-17) -
Հիսուս Քրիստոս - Մենք հավատում ենք, որ Հիսուս Քրիստոսը Աստծո Որդին է: Երկրի վրա Նա ներկայացավ և՛ որպես ճշմարիտ Աստված, և որպես մարդ: Նա միակն էր, ով ապրեց առանց մեղքի:
(Հովհ.1:1, 1:14, 20:28 և 1 Տիմ. 3:16) -
Ծնունդը կույսից - Մենք հավատում ենք, որ կույս Մարիամը ընդունեց Աստծուց Հիսուս Քրիստոսին՝ Սուրբ Հոգու միջոցով: Նրան անվանում են Աստծո Որդի, որովհետև Նա ծնվեց Աստվածային Սուրբ Հոգուց:
(Մթ. 1:18, 1:20, Ղուկ. 1:35) -
Մեղքի մերժումը - Յուրաքանչյուրի ձգտումն է դեպի Հիսուս Քրիստոսին, Նրա անունով մեղքերի թողության ընդունումը:
(Գործք. 2:38, 3:19) -
Սրբացումը - Կատարյալ նվիրման պրոցեսն է Աստծուն, որպեսզի նմանվենք Քրիստոսին:
(1 Թես. 4:3, 5:23) -
Սրբացումը - Հիսուս Քրիստոսին, Նրա մահվանն ու հարությանը հավատալով է: Փրկությունը Աստծո պարգև է, այն մեր բարի գործերով չէ և ոչ էլ մարդկային ձեռքբերումներով:
(Գաղ. 2:16, Տիտ. 3:5) -
Հիսուսի արյունը - Որ թափվեց Գողգոթայի խաչի վրա, մաքրում է մեզ բոլոր մեղքերից: Հիսուսը վերցրեց աշխարհի բոլոր մեղքերը:
(1 Հովհ. 1:7, Հայտ. 1:5, 5:9) -
Քրիստոսը բնակվում է բոլոր հավատացյալների մեջ: Քրիստոնյան այն մարդն է, որը խնդրում է Տեր Հիսուս Քրիստոսին մտնել և բնակվել իր սրտում: Քրիստոնյայի հույսը արդարացված է այն ամենով, ինչ արեց Քրիստոսն իր համար. Նա մահացավ, թաղվեց և հարություն առավ մեռելներից:
(Հովհ. 14:17, 14:2, 1:12, 15:14)
-
Հարություն - Մենք հավատում ենք, որ, խաչի վրա մահանալուց երեք օր հետո, Հիսուս Քրիստոս հարություն առավ մեռելներից: Կգա ժամանակ, երբ բոլոր Հիսուս Քրիստոսին հավատացողները նույնպես հարություն կառնեն, որպեսզի ստանան իրենց պարգևը՝ հավիտենական կյանք երկնքում` Աստծո մոտ:
(Ղուկ. 24:36, 24:39, 1 Կորնթ. 15:42, 15:44) -
Երկինքը բոլոր հավատացյալների հավիտենական բնակության վայրն է:
(2 Կորնթ. 5:1, 1 Պետրոս 1:4) -
Դժոխք - Մենք հավատում ենք, որ բոլոր մեղավորները իրենց երկրային կյանքից հետո պետք է դատվեն Աստծո կողմից և ուղարկվեն դժոխք:
(Եբր. 9:27, Մթ. 25:41) -
Ջրի մկրտություն - Աստծո Խոսքը ասում է` նրանք ովքեր հավատում են Տեր Հիսուս Քրիստոսին, պետք է մկրտվեն ջրով՝ Հիսուս Քրիստոսի անունով:
(Մթ. 28:19, Հովհ. 1:26, Գործք. 2:38) -
Խորհրդավոր ընթրիքը - հիշողության հատուկ ժամանակ է Աստծո ներկայության մեջ:Հացը և գինին խորհրդանշում են Հիսուս Քրիստոսի մարմինը և արյունը:
(1 Կորնթ. 11:23-25, Մկ. 14:22-25) -
Երկրորդ գալուստը - Մենք հավատում ենք, որ Հիսուս Քրիստոսը գալու է երկիր երկրորդ անգամ՝ Իր Արքայությունը հաստատելու համար: Նրա գալուստը տեսանելի է լինելու բոլորին: Կատարվելու օրը և ժամը Խոսքում չի բացված:
(Հայտն. 1:7, Գործք. 1:9-11) -
Հիվանդների բժշկություն - Հիսուս Քրիստոսի ծառայության ընթացքում եղել են բազմաթիվ բժշկություններ: Հիսուսն Իր աշակերտներին հրամայեց նույնն անել: Սա նշաններից մեկն է, որն ուղեկցում է հավատացյալներին:
(Մթ. 8:16-17, Գործք. 8:6-7, Մկ. 16:17-18) -
Սուրբ Հոգու մկրտությունը և օտար լեզուներով խոսելու պարգևը - Տրված է Պենտեկոստեի օրը: Սա խոստմունք էր Հորից, որը կատարվեց Հիսուս Քրիստոսի հարությունից հետո՝ եկեղեցու ամրության և Ավետարանը ամբողջ աշխարհում քարոզելու համար: Նրա նպատակը հավատացյալների ամրապնդումը և անհավատներին նշաններ ցույց տալն է:
(Գործք. 2:17, 2:38-39, Մկ. 16:17)
«Նոր Սերունդ» եկեղեցու գործունեության նպատակն է՝ քրիստոնեական արժեքների տարածումը հասարակության մեջ, մարդկանց հոգևոր լուսավորությունն ու աջակցությունը` մեղավոր ապրելակերպից հրաժարվելու, խաղամոլությունից, թմրամոլությունից և այլ կախվածություններից ազատվելու, ընտանիքները վերականգնելու հարցերում: