ՆՈՐՈՒԹՅՈՒՆՆԵՐ

Հուլիս 5-ի կիրակնօրյա քարոզը հովիվ Տիգրան Թադևոսյանը նվիրել էր հոգով աղքատության թեմային:

Այսօր այնքան ինֆորմացիա կա, որ նույնիսկ չես կարողանում ամբողջությամբ կարդալ, ընկալել: Բայց կա մի խաբկանք: Երբ դու ստանում ես մեծ քանակությամբ ինֆորմացիա, քեզ թվում է, թե բավարարված ես: Բայց այդ բավարարվածությունը միայն մտքի ոլորտում է:

Ղուկաս 6:46-49-ում Հիսուսը հստակ ասում է, որ եթե դու Իրեն Տեր ես ասում, ուրեմն պարտավոր ես անել այն, ինչ ասում է քո Տերը: Դու ես Նրան Տեր ընդունել: 

Տերը ասում է՝ «Երանի հոգով աղքատներին»:

Հոգով աղքատը չի հպարտանում իր ֆիզիկական հարստությամբ, ցույց չի տալիս, որ ինքը հարուստ է, ցույց չի տալիս իր մնացած բոլոր արժանիքները: Հիսուսն աղքատացավ, որ մենք Իր աղքատությամբ հարստանանք: Երբ դու հոգով աղքատանում ես, դու չես էլ հիշում, թե ինչ հարստություն ունես: Դու դառնում ես հեզ ու խոնարհ:

Հոգով աղքատ լինելու համար պետք է հետևես մի քանի սկզբունքների, օրինակ՝ 

Այնքան հեռու մի գնա, որ մոռանաս, թե որտեղից ես գալիս:

Այնքան մի հարստացիր, որ չկարողանաս կարեկցել աղքատներին:

Ապրիր այնպես, ինչպես կաս: 

Պատրաստ եղիր ետ գնալու, մի ասա, թե առջևում ես:

Հարկավոր է ետ գնալ, հիշել, թե որտեղից ընկանք, լինենք հոգով աղքատ, որպեսզի հարստանանք և թագավորենք:

Սեփական լրատվություն