ՆՈՐՈՒԹՅՈՒՆՆԵՐ

«Մոտեցե՛ք Աստծուն, և Նա կմոտենա ձեզ»: Հակոբոսի 4: 8

Հիշո՞ւմ ես, երբ առաջին անգամ խորասուզվել էիր Խոսքի մեջ և որքան հիացած էիր Աստծո գործերով: Հիշո՞ւմ ես, որ անհամբերությամբ ուզում էիր կարդալ Աստվածաշնչի հաջորդ գլուխը կամ լսել վերջին ուսմունքի ձայներիզը: Գոյություն ունի միայն մի բառ, որով կարող եմ նկարագրել այդ վիճակը: ՏԱՔ: Քո վերստին ծնված հոգին վառվում էր Աստծո համար:

Երբ Քենեթն ու ես առաջին անգամ լսեցինք հավատքի ուղերձը, մենք այդպիսին էինք: Մենք այնպես կրակոտ էինք, որ աշխարհում ուրիշ ոչ մի բան չեր հետաքրքրում մեզ: Մենք սովորել էինք, որ կարող ենք Սաստծո Խոսքին վստահել այնպես, ինչպես ամենամտերիմ ընկերոջ խոսքին կվստահես, և քաղցած պրպտում էինք այն ամենը, ինչ Նա խոստացել էր մեզ Իր Խոսքում:
Այդ ժամանակ կարծես Աստծո Խոսքը կարդալուց բացի այլևս ոչինչ չէի անում: Ես կարդում էի հավատքի գիրքը: Ձայնագրություններ էի լսում: Ես նվիրված էի, միայն և միայն հետաքրքրված էի Աստծո Խոսքով:

Բայց հետզհետե դա փոխվեց: Սկզբում ես չէի էլ գիտակցում, որ նման բան է կատարվում: Այնուհետև Սուրբ Հոգին սկսեց աշխատել ինձ հետ և ցույց տալ, որ գոլ (սառն) եմ դարձել: Ես թույլ էի տվել, որ կրակը մարեր: Ճիշտ է, շարունակում էի կարդալ Խոսքը, բայց կորցրել էի իմ խանդավառությունը:
Գուցե դու էլ նման փորձառություն ունես: Եթե այդպես է, ուրեմն թույլ տուր ասել, թե ինչպես վերադարձնել կրակը: Այն գործեց ինձ համար, կգործի նաև քեզ համար:

Աստծո Խոսքն ասում է, որ մոտենանք Իրեն, և Նա էլ կմոտենա մեզ: Դա անելու համար նախ և առաջ դու պետք է մի կողմ դնես բոլոր այն բաները, որոնք գողանում են քո ժամանակը: Վայելի՛ր Նրա Խոսքը : Նորից ջանասե՛ր դարձիր: Եթե ուշադրությունդ Աստծո գործերին տաս, շուտով Աստծո հանդեպ քո ցանկությունը կմեծանա: Քո ցանկությունը կգնա քո ուշադրության հետքերով: Որքան շատ ժամանակ հատկացնես ինչ-որ բանի, այնքան ավելի շատ ցանկություն կունենաս ուշադրությունդ դրան տրամադրելու համար:
Ես դա քեզ կարող եմ ցույց տալ իրական սկզբունքի օրինակով: Եթե դու գոլֆ ես խաղում, կարող ես ամիսներով չմտածել դրա մասին, բայց մեկ օր որոշես գնալ ու մեկ-երկու ռաունդ գոլֆ խաղալ: Հաջորդ օրը գուցե նորից ցանկանաս խաղալ: Որքան շատ խաղաս, այնքան ցանկությունդ ավելի կմեծանա:

Նույն բանը կկատարվի հոգևոր ոլորտում: Քո հոգու ցանկությունը կհետևի նրան, ինչի վրա դու ժամանակ ես անցկացնում: Սկսի՛ր կառուցել անձդ Հոգով աղոթելու միջոցով: Հավատա՛ և արա՛ այնպես, ինչպես Աստված է ասում քեզ: Եվ շատ չանցած՝ այն կայծը, որը նշմարվում էր քո հոգում, նորից կմեծանա և կդառնա Օրհնության (լափող) ԿՐԱԿ:

Գլորիա Քոփլանդ