ՆՈՐՈՒԹՅՈՒՆՆԵՐ

Մինչև կիրակնօրյա պատգամին անցնելը «Նոր սերնդին» սպասվում էր ևս մեկ ուրախություն՝ իրենց կյանքերը ամուսնական կապով միմյանց էին կապում եկեղեցու սիրելիներ Սարգիսն ու Գոհարը: Հանդիսավոր պայմաններում, Սուրբ Հոգու կենարար ներկայությամբ հովիվն ու ամբողջ եկեղեցին օրհնեցին Սարգսին ու Գոհարին՝ ովքեր, լինելով Աստծո նվիրյալ զավակներ, խորապես գիտակցելով ամուսնության անսահման պատասխանատվությունը, եկեղեցու և Տիրոջ առաջ ուխտ արեցին հավիտյան սիրել և հավատարիմ լինել միմյանց:

Կիրակնօրյա պատգամը հովիվը նվիրել էր աղոթքի անհրաժեշտությանը:
Աստծո կամքը բարի է բոլորի համար: Սակայն Նա Իր կամքը չի կատարի, քանի դեռ չենք աղոթել, քանի դեռ աղոթքով ու գոհությամբ չենք դիմել Իրեն: Չէ՞ որ գրված չէ. «Մի՛ խնդրիր և կտրվի», այլ գրված է՝ «Խնդրի՛ր, և կտրվի»: Գրված չէ. «Մի՛ փնտրիր և կգնտես», գրված է՝ «Փնտրի՛ր, և կգտնես»: Գրված չէ՝ «Մի՛ թակիր...», այլ գրված է՝«Թակի՛ր...»:

Եզեկ. 22:32, Դանիել 9:1-4, Դանիել 10:1,2,9,13 խոսքերով և Եսթերի պատմությամբ պատգամախոսը հանգամանորեն պարզաբանեց աղոթքի անհրաժեշտությունը, աղոթքի մեջ հարատևելու կարևորությունը:
«Աղոթքը միակ միջոցն է վերցնելու Աստծո օրհնությունները, որ իրավմամբ մեզ են պատկանում»,- եզրահանգեց պատգամախոսը:

Հզոր աղոթքով ու փառաբանությամբ ավարտվեց կիրակնօրյա ծառայությունը:

Տեսանյութը՝ շուտով:

Սեփ. լր.

Լուսանկարները՝ Արման Սարգսյանի