Երաժշտական միջոցառում սիրո մասին
Նոյեմբերի 25-ին կայացավ «Նոր սերունդ» եկեղեցու երիտասարդների կողմից կազմակերպված երաժշտական միջոցառումը:
Այն անցավ ջերմ, ուրախ և մտերմիկ մթնոլորտում քաղաքի սրճարաններից մեկում: 
Երիտասարդներն առիթ ունեցան հաղորդակցվելու, կիսվելու հետաքրքրություններով, ինչպես նաև իրենց կարծիքներով օրվա թեմայի՝ սիրո մասին:
Սիրո մասին խոսեցին,
հնչեցին երաժշտական կատարումներ՝ անդրադառնալով նրա երեք տեսակներին. Ֆիլոս (ընկերական, եղբայրական և ծնողական սեր), Էռոս (սեր՝ սիրահար և ամուսնացած զույգերի միջև) և Ագապե (Աստվածային սեր):
Քանի որ սիրո բանաձևերը, սահմաններն ու դրա մասին պատկերացումները բոլոր ժամանակների ամենաքննարկվող թեմաներից են սկսվեցին քննարկումներ,
որոնք ընթացան հետաքրքիր բանավեճով,
բայց լավ է, որ Աստվածաշունչը մեզ տալիս է սիրը զանազանելու, հասկանալու ու պատկերացնելու լավագույն բանաձևը, որն իր մեջ ներառում է շատ հարցերի պատասխաններ:
Սէրը երկայնամիտ է՝ քաղցր է. սէրը չէ նախանձվում, չէ գոռոզանում, չէ հպարտանում։ 5 Չէ լրբանում, իրը չէ որոնում, չէ գրգռվում, չարը չէ մտածում. 6 Անիրաւութեան վերայ չէ ուրախանում, բայց ուրախանում է ճշմարտութեան հետ. 7 Ամեն բանի դիմանում է. ամեն բան հաւատում է, ամեն բանի համար յոյս ունի, ամեն բանի համբերում է։ (1Կորնթ. 13:4-7)
.
