ՆՈՐՈՒԹՅՈՒՆՆԵՐ

Օգոստոսի 16-ին տեղի ունեցավ հերթական NG Youth երիտասարդական ծառայությունը, որտեղ երիտասարդները առիթ ունեցան ընկերական զրույց ունենալու Միջազգային աստվածաբանական համալսարանի ԱՊՀ տարածքի մասնաճյուղերի տնօրենի, ատվածաբանության դոկտոր Կուամբա Ժան Պոլ Լուֆուտայի հետ: 

Նա երիտասարդների հետ կիսվեց իր կյանքում տեղի ունեցած որոշ իրադարձություններով և իր հորդորող խոսքով դիմեց նրանց: 

 «Մարկոս 16:15- ում գրված է. գնացեք ամբողջ աշխարհով մեկ և ավետարանը քարոզեցեք բոլոր մարդկանց: Հիսուսը հեռանալուց առաջ մեզ շատ կարևոր հանձնարարություն տվեց, բայց այս հատվածը մտածելու տեղիք է տալիս: Շատերը իրենց նկարներում Հիսուսին և իր աշակերտների պատկերում են բավականին տարեց մարդու տեսքով: Օրինակ՝ Լեոնարդո Դա Վինչիի « Վերջին ընթրիքը»: 

Բայց հիշենք, որ Հիսուսը 33 տարեկան էր, իսկ իր աշակերտներին նա նույնիսկ երեխաներ էր կոչում: Սա հաստատում է այն մասին, որ Հիսուսի աշակերտները Իրենից տարիքով մեծ չէին: Իսկ ավելի ստույգ նրանք 33 տարեկանից փոքր էին:Ընդհանուր առմաբ Հիսուսը բավականին տարօրինակ շրջապատ ուներ՝ 33տարեկան տղամարդ ով շրրջապատված էր 12 երիտասարդներով: Բայց նրանք, անկախ իրենց երիտասարդ տարիքից, գլխիվայր շրջեցին այս աշխարհը: 

Այդ 12 երիտասարդների շնորհիվ հիմա բազմաթիվ միսիոներներ աշխարհի մի ծայրից մյուսն են գնում՝ Ավետարանը քարոզելու համար: Եվ առհասարակ՝ համաշխարհային պատմության մեջ բոլոր խոշոր հեղափոխությունների ետևում երիտասարդներ են կանգնած: Կարող ենք հիշել մարդկության պատմության մեջ ամենա ահարկու դեմքերից Հիտլերին, ով իր գործունեությունը սկսել է երբ նա դեռ 20 տարեկան էր և նրան շրջապատում էին հասակակիցները:

Յուրաքանչյուր հավատացյալ երիտասարդ իր մեջ ունի այն ուժը, որի միջոցով նա ի զորու է փոխել այս աշխարհը. ամենակարևորը դրան հավատալն է: 6 տարեկան էի, երբ սկսեցի կարդալ: Շատ էի սիրում կարդալ այն մարդկանց մասին, ովքեր իրեց հետքն են թողել այս աշխարհում, ովքեր ինչ որ բան են կարողացել փոխել: Ես մի սկզբունք ունեի, եթե ինչ որ մեկը կարողացել է մի բան անել, ուրեմն ես էլ դա կարող եմ՝ նույնիսկ ավելի լավ: Այդ գրքերից ոգեշնչվելով՝ ես ինքս էլ ցանկանում էի ինչ- որ բան փոխել այս աշխարհում

Փորձել եմ ինքս ինձ քաղաքականության մեջ, նույնիսկ հասել եմ որոշակի բարձրունքների, բայց հասկացել եմ, որ միակ քաղաքականությունը, որով մենք պետք է զբաղվենք Աստծո քաղաքականությունն է, և Աստված է միակ հզոր քաղաքական գործիչը: 

Մարկոս ավետարանի հատվածում նկարագարված իրադարձությունը իսկական հեղափոխություն է, որը չի վերջանում: Հեղափոխությունները, որոնք Մարքսն ու Լենինն էին արել արդեն ավարտվել են, իսկ այն մեկը, որը Հիսուսն արեց, կա, կլինի և շարունակվելու է հավիտյան:

Աշխարհը սպասում է, որպեսզի քրիստոնյա երիտասարդների միջոցով փոխվի, քանի որ դուք ճանաչում եք Աստծուն, իսկ աշխարհը ոչ. դուք գիտեք այն, ինչ աշխարհը չգիտի»: