ՆՈՐՈՒԹՅՈՒՆՆԵՐ

Շնորհավորանքներով, բարեմաղթանքներով ու օրհնություններով էր տոգորված «Նոր սերունդ» եկեղեցու հովիվ Տիգրան Թադևոսյանի 50-ամյակին նվիրված երեկոն:

«Կովկաս» համալիրի «Բագրատունիներ» սրահում հավաքվել էին «Նոր սերունդ» եկեղեցու հետևորդները, ավետարանական ընտանիքի բազմաթիվ եկեղեցիների հովիվներն ու ծառայողները, հովվի դպրոցական ընկերները, բարեկամները:

Իր օրհությունները հովվին հղեց Ավետարանական Հավատքի Քրիստոնյաների «Միաբանություն» եկեղեցու ավագ հովիվ, եպիսկոպոս Ռուբիկ Թումանյանը:

«Կյանքի Խոսք» եկեղեցու հովիվ Արթուր Սիմոնյանի, ամբողջ եկեղեցու և իր անունից շնորհավորական խոսքով հանդես եկավ «Կյանքի Խոսք» եկեղեցու մամլո խոսնակ, կրոնագետ, փիլիսոփայական գիտությունների թեկնածու Արմեն Լուսյանը:

Ավետարանական Հավատքի Եկեղեցիների Միության նախագահ, վեր. դոկ. Ռաֆայել Գրիգորյանի շնորհավորական խոսքը հովվին փոխանցեց Արարատի եկեղեցու հովիվ Սմբատ Շահնազարյանը:

Տիգրան Թադևոսյանին ջերմորեն շնորհավորեց Երևանի Ավետարանական եկեղեցու հովիվ, վերապատվելի, դոկ․Լևոն Պարդակչյանը:

Իրենց մաղթանքները հղեցին նաև Հայաստանի «Նոր կյանք» վերհարանվանական միության նախագահ Վարդան Բլբուլյանը...

Սևանի Ավետաբեր եկեղեցու հովիվ Վլադիկ Բաղդասարյանի օգնական Սերգեյ Ղազարյանը:

Հովվի դպրոցական ընկերները, եկեղեցու հավատացյալները, Ավետարանական ընտանիքի այլ եկեղեցիների հովիվներն ու հավատացյալները նույնպես հանդես էին գալիս սրտաբուխ անկեղծ բարեմաղթանքներով ու օրհնություններով:

Ամբողջ երեկոյի ընթացքում շնորհավորանքները զուգորդվում էին  հոգևոր երգերի անզուգական կատարումներով: Հոբելյարին բազում գեղեցիկ երգեր նվիրեցին նրա դուստրերը՝ Լիլիան, Ժակլինն ու Աննան:

Հունական երգերի իր արհեստավարժ կատարումներով ներկաներին հաճելիորեն զարմացրեց հոբելյարը՝ հովիվ Տիգրանը:

Ներկաները դիտեցին նաև «Նոր սերունդ» միջազգային շարժման ավագ հովիվ Ալեքսեյ Լեդյաևի շնորհավորական ուղերձը:

Հովվի հիսունամյակին զուգադիպել էր մեկ այլ հիանալի առիթ. 2009 թ-ին Հայաստանում «Նոր սերունդ» եկեղեցուն կից բացվեց «Միջազգային Աստվածաբանական Համալսարանը», որն ադրեն 4 տարի է ինչ տալիս է շրջանավարտներ՝ ասոցիատներ,բակալավրեր և մագիստրոսներ։ Ի լրումն այդ հոբելյանի, օրերս վերոհիշյալ համալսրանի ղեկավարությունը Երևանի «Նոր սերունդ» եկեղեցու ավագ հովիվ Տիգրան Թադևոսյանին շնորհեց աստվածաբանության դոկտորի կոչում։ 

Երեկոն ավարտվեց երիտասարդների ուրախ, բոցաշունչ պարերով:

Սեփական լրատվություն