ՆՈՐՈՒԹՅՈՒՆՆԵՐ

Երևանի «Նոր սերունդ» եկեղեցու հովիվ Տիգրան Թադևոսյանը երեքշաբթի օրը՝ մարտի 10-ին, ծառայողական այցով մեկնեց Ռուսաստանի դաշնության Իժևսկ քաղաք:

Իժևսկի «Կյանքի խոսք» (հովիվ՝ Սուսաննա Հարությունովա) և Երևանի «Նոր սերունդ» եկեղեցիների միջև հաստավել են ջերմ հարաբերություններ, պարբերաբար տեղի են ունենում հովվական և ծառայողական փոխադարձ այցելություններ և ծառայություններ: Եղբայրական հարաբերություններ են ստեղծվել նաև Իժևսկի մյուս եկեղեցիների հետ:

Այս օրերին Իժևսկում է գտնվում նաև «Նոր սերունդ» եկեղեցու մեկ այլ վաղեմի բարեկամ, ''International Restoration Ministries'' ծառայության առաջնորդ Քոլեթ Բոդուանը:

Շաբաթ օրը երեկոյան հովիվ Տիգրան Թադևոսյանը քարոզեց Իժևսկի «Նոր սերունդ» եկեղեցում: Պատգամը նվիրված է Աստծո խաղաղությանը: Ծառայության ավարտին հովիվն անհատապես աղոթեց եկեղեցու մոտ 80-90 հավատացյալների համար:

Կիրակի օրը առավոտյան հովիվ Տիգրանը ծառայեց քաղաքի մեկ այլ եկեղեցում, որը կրում է «Աստծո եկեղեցի» անվանումը: Հովիվը կիսվեց իր մի շարք հայտնություններով, աղոթեց եկեղեցու և հավատացյալների համար:

Նշենք, որ այդ եկեղեցու հովիվը Զատկի օրերին կայցելի Հայաստան և կծառայի «Նոր սերունդ» եկեղեցում:

Այս օրերին հովիվը Քոլեթ Բոդուանի հետ ծառայում է մարդկանց՝ անհատական էմոցիոնալ բժշկության համար:

Տեղի «Կյանքի խոսք» եկեղեցում հովիվ Տիգրան Թադևոսյանը կծառայի եկող կիրակի օրը՝ մարտի 22-ին:

Մարտի 25-ին հովիվը կվերադառնա հայրենիք:

Թող Աստված օրհնի հովվի ծառայություններն ու վերադարձը:

Սեփական լրատվություն