ՆՈՐՈՒԹՅՈՒՆՆԵՐ

Այցի ընթացքում նախանշված են մի շարք հանդիպումներ և ծառայություններ: Ուղևորության ընթացքում հովվին ուղեկցում է դուստր Ժակլին Թադևոսյանը:

Այցելության սկզբում հյուրերին Լաս Վեգասում գտնվող իր տանը հյուրընկալեց «International Restoration Ministries» ծառայության առաջնորդ, Երևանի «Նոր սերունդ» եկեղեցու վաղեմի բարեկամ, հովիվ Քոլեթ Բոդուանը:

Այնուհետև հովիվը մեկնեց Լոս Անջելես որտեղ ուրբաթ օրը՝ օգոստոսի 22-ին, ինքն ու դուստրը մասնակցեցին ICFN հեռուստատեսության «Աղոթքի ժամ» ուղիղ հեռուստահաղորդմանը: Հաղորդման ընթացքում եղան բազմաթիվ հեռախոսազանգեր՝ աղոթքի խնդրանքներով և հարցերով:

Նույն օրը Հայաստանից ժամանած հյուրերը մասնակցեցին նաև «Armenian Evangelical Brethren Church» եկեղեցու տասնամյակին նվիրված ծառայությանը, որի ընթացքում հանդես եկավ Ժակլին Թադևոսյանը, կատարելով մայրիկի՝ Հայկուհի Բաբայանի «Թե երազ երկնքում» երգը:

Միջոցառման վերջում առաջարկ ստացվեց երգի հիման վրա նկարահանել տեսահոլովակ, որի աշխատանքները կսկսվեն օգոստոսի 27-ին: 

Կիրակի օրը հովիվը կանցկացնի երկու ծառայություն:

Հովվի այցելության հետագա ընթացքի վերաբերյալ կտեղեկացնենք մեր կայքում:

Սեփ. լրատվություն