ՆՈՐՈՒԹՅՈՒՆՆԵՐ

Հովվի այցելությունն անցնում է խիստ հագեցված գրաֆիկով: Օրերն առավոտից մինչ երեկո անցնում են հանդիպումներով, ծառայություններով և աղոթքներով:

Անցած կիրակի օրը՝ օգոստոսի 24-ին, հովիվն ունեցել է երկու ծառայություն: 

Դրանցից առաջինը՝ Գլենդելի «Կենդանի Ջրերի Առաջին Միջազգային» եկեղեցում, որի հովիվն է «Նոր սերնդի» հավատացյալներին քաջ ծանոթ Թոնի Վարդանյանը, ով մի քանի անգամ ծառայել է «Նոր սերնդում», ICFN հեռուստատեսությունում հյուրընկալել է հովիվ Տիգրան Թադևոսյանին ԱՄՆ կատարած իր նախորդ այցի ժամանակ:

Հովվի երկրորդ կիրակնօրյա ծառայությունը եղել է «Օրհներգ Առաքելության» եկեղեցում, որի առաջնորդներն են նույնպես «Նոր սերունդ» եկեղեցու հիանալի բարեկամներ Սաքո և Սալբի Քելեշյանները:

Երկու եկեղեցիներում էլ պատգամի թեման եղել է Աստվածային խաղաղությունը, որ Տերը տվել էր հովվին՝ հաղթահարելու իր կյանքի անհաղթահարելի թվացող դժվարությունը: Երկու ծառայություններն էլ եղել են հզոր և օծված ծառայություններ: 

Ծառայություններից հետո հովվին են մոտեցել բազմաթիվ հավատացյալներ՝ անձնական վկայություններով ու աղոթքի խնդրանքներով:

Երկուշաբթի օրը հիվիվը մեկնել է Սան Դիեգո:

Սեփական լրատվություն