ՆՈՐՈՒԹՅՈՒՆՆԵՐ

Իր խոսքն ընկալելի դարձնելու նպատակով հովիվ Արտավազդը մի գեղեցիկ օրինակ բերեց իր հայրենի գյուղի՝ Բջնու պատմությունից:

Այնտեղ մի անառիկ ամրոց կա՝ ձորի բերանին: Ձորի մյուս կողմում դաշտեր են: Մի պաշարման ժամանակ, երբ արդեն փրկության հույսը սպառվում էր, ամրոցի անվեհեր բնակիչներից մեկը մի պարան է կապում մեջքին, իջնում է ձորը, անցնում է թշնամու բանակի միջով, բարձրանում ձորի մյուս կողմը, ձգում պարանը ձորի վրայով: Ստեղծվում է  «պարանե» կամուրջ դեպի փրկություն: Ամրոցի բնակիչներն այլևս կարիք չունեին կրկնել նույն սխրանքը, նրանք ուղղակի պիտի վստահեին պարանի ամրությանը և դրանով անցնեին դեպի փրկություն: Բայց անցնելու համար պետք է ամրոցում թողնեին իրենց տներն ու ունեցվածքը, այսինքն՝ իրենց հին կյանքը: 

Հիսուսը մեր փրկության կամուրջն է: Անցյալում թողնելով մեղավոր կյանքը՝ մեռնելով մեղքի համար և վստահելով փրկարար կամուրջին անցնում ենք դեպի կյանք, դեպի փրկություն:

Ծառայության ավարտին հովիվ Արտավազդ Ղազարյանը սիրով պատասխանեց «Նոր սերունդ» եկեղեցու լրատվական ծառայության հարցերին:

- Շնորհակալություն ենք հայտնում օծված ու բովանդակալից խոսքի համար: Մամուլի Ձեր հրապարակումներից հստակ երևում է, որ Դուք ամուր ու բարոյական ընտանիքի ջատագովն եք: Այդ ենթատեքստում ի՞նչ կարծիքի եք այսպես կոչված «գենդերային հավասարություն հաստատող» տխրահռչակ օրենքի մասին: 

- Անկեղծ ասած, առանձնապես չեմ հետևում քաղաքական կյանքին, բայց սեռը որպես ձեռքբերովի հատկանիշ հռչակելը բացարձակ անօրինություն է:

- Ամեն քաղաքական հարցի միակ լուծումը եկեղեցու բարձրացումն է: Եթե կա խավար, ապա պետք բարձրացնել Լույսը:

- Իհարկե: Հովիվ Տիգրան Թադևոսյանի հետ մեր համագործակցությունը վաղուց է սկսվել և անպայման պետք է շարունակվի:

 «Նոր սերունդ» եկեղեցու մամլո լրատվություն