ՆՈՐՈՒԹՅՈՒՆՆԵՐ

Սեպտեմբերի 23-ին կայացավ այս աշնան առաջին երիտաարդական ծառայությունը: Այն սկսվեց հաղորդակցությամբ, եղավ հյուրասիրություն, որից  հետո երիտասարդները  փառաբանեցին և երկրպագեցին Տիրոջը՝ Սուրբ հոգու քաղցր ներկայության մեջ: 

«Գրեցի ձեզ, երիտասարդներ, որ դուք զօրաւոր էք. Եւ Աստուծոյ խօսքը բնակվում է ձեզանում, եւ դուք յաղթել էք չարին։  Մի սիրէք աշխարհքը. եւ ոչ էլ այն որ աշխարհքի մէջ է։ (1Հովհ. 2:14-15)

Մարդն ապրում է՝ առաջնորդվելով տարբեր ազդեցություններվ, որ գործում են իր կյանքում: Եվ բացի ֆիզիկականից կան նաև հոգևոր ազդեցություններ: Գոյություն ունի մի երևույթ, որը կարող է կառավարել մարդուն: Մարդու կյանքը կառավարող ամենաուժեղ գործոնը սերն է: Որովհետև ում կամ ինչը սիրում ես, դրան էլ նվիրվում ես ու նմանվում:

Մարդու սրտում երկու սեր չի կարող բնակվել: Եթե աշխարհի հանդեպ սերը բնակվի մարդու մեջ, Հիսուսի համար արդեն տեղ չի մնա:

 

Աշխարհը մի սիստեմ  է, որի մեջ մտնում է մարմնի ցանկությունը, աչքերի ցանկությունը և այս աշխարհի ամբարտավանությունը՝ ապրելաձևի հպարտությունը:

Կա ավելի սարսափելի ու վտանգավոր բան, քան պարզապես մեղքը, որն է աշխարհասիրությունը: Որովհետև մեղքը նկատելն ու  տարբերակելը ավելի հեշտ է, քան այն, ինչ կատարվում է մարդու սրտում, որի համար հարկավոր է զգուշանալ ու քննել սիրտը» :

Հովիվը կոչ արեց երիտասարդներին չնմանվել ու չսիրել աշխարհը, որովհետև մենք ունենք ապագա Հիսուսից, մեր երջանկությունն ու ուրախությունը Տիրոջից է:  

Սեփական լրատվություն