ՆՈՐՈՒԹՅՈՒՆՆԵՐ

« Շարունակելով խոսել աշխարհայացքի ընդլայնման մասին` կարող ենք ասել, որ մեր երազներն ու ցանկությունները ցույց են տալիս, թե մեր ներսում ինչ է կատարվում:

Բայց մենք պետք է քննենք, թե ինչ ենք ցանկանում, քանի որ հիմա շատերը ձգտում են ավելի շատ ունենալ քան թե լինել: Էության և ունենալու հետ կապված կոնֆլիկտը աշխարհայացքի մեջ հաճախ մարդկանց տանում է ոչ էֆեկտիվ գործելակերպի:

Եվ հենց այդ ցանկությունների հետ կապված, կասենք, որ ինչը մենք շատենք սիրում և ցանկանում ենք ունենալ կամ լինել, շատ թանկ արժե և մեծ զոհ է պահանջում:

Նշենք կյանքի կոչման մի քանի սահմանումներ՝

1.Կյանքի կոչումը, ապրելակերպ է, որը պարգևում է խորը բավարարվածություն ձեր աշխատանքից, մասնակցած գործողություններից, մարդկանցից, ում հետ շփվում ենք և հնարավորությունների կառավարումից

2.Մեկնաբանության տեսանկյունը՝ մեր անձի և իրադարձության նկատմամբ

3.Ինչպես ենք մենք նորոգվում կամ թարմանում(ով կամ ինչն է մեզ թարմացնում):

Եվ հենց այն, ինչը մենք սիրում ենք, թանկ արժե՝ շատ զրկանքների հետ է կապված և զոհողություն է պահանջում, թե՛ ժամանակի և թե՛ հարաբերություններում:

Կդիտարկենք 3 իրար լրացնող մոտեցումներ, որոնք կօգնեն մեզ ավելի լավ ճանաչել, գտնել մեր ուժեղ կողմերը՝ հիմնվելով մեր տաղանդների և կիրքի վրա: Դրանք են՝

1.Քեն Ռոբինսոնի« Էլեմենտի» մոտեցումը;

2.Գալոփ ընկերության « Ուժեղ կողմերի» մոտեցումը;

3. « SIMA»  մոտեցումը:

Քեն Ռոբինսոնը այն անհատն էր, ով մանուկ հասակում հիվանդացավ մի հիվանդությամբ, որի արդյունքում նա չէր կարողանում նորմալ քայլել: Նա ուներ շատ լավ ունակություններ երաժշտության ոլորտում, սակայն հիվանդությունը կոտրեց նրա բոլոր երազանքները: Սակայն նա պայքարեց և իր կյանքը նվիրեց կրթությանը:Այսօր նա ԱՄՆ-ի կրթական ոլորտում ամենաազդեցիկ մտավորականներից մեկն է: Նրա իր «The Element» գրքում փորձել է բացատրել, թե որն է մեր ներսում գտնվող այն «էլեմենտը», որը մեզ գործի է գցում:

Այդ բանալին կամ « էլեմենտը» բաղկացած է 4 բաղադրիչներից՝

1.Կարողություններ-ինչ եմ ես լավ անում և ինչն է ինձ ոգևորում,

2.Ոգևորություն- ինչ եմ ես սիրում,

3.Վերաբերմունք-ինչպես են ուրիշները վերաբերվում իմ սիրած աշխատանքին, արդյոք դրա դիմաց կվարձատրվեմ;

4.Հնարավորություն- ինչպես անել, որտեղից իմանալ և այլ հարցադրումներ:Փնտրել հնարավորություն, որտեղ մեր կարողությունները և սերը պահանջված կլինի:

Իսկ ինչպես կարող ենք գտնել մեր բանալին.

1.Հասկանալ, որ մարդկային տարբեր կարողությունների ուժը պետք է զարգացվի և չբավարարվել ներկա իրավիճակով:

Ուժերն են՝

•Երևակայությունը

•Մտավոր կարողությունը

•Զգացմունքները

•Ինտուիցիան

•Հոգևոր վիճակը

•Ֆիզիկական-զգայական գիտակցությունը

2.Հասկանալ, թե ինչպես են ամբողջական շղթայով իրար հետ կապվում տարբեր կարողությունները,

3.Հասկանալ, թե ինչքան աճի և փոփոխության հնարավորություն մենք ունենք:

Հաջորդը Գալոփ ընկերության մոտեցումն է, որն ասում է, որ կյանքը պետք է կառուցվի ուժեղ կողմերի վրա, այլ ոչ թե թույլ: Քանի որ ուժեղ կողմերը ավելի լավ կարող ես բարելավել, իսկ թույլ կողմերը մի գուցե ընդհանրապես չկարողանաս բարելավել: Եվ հենց այդ ուժեղ կողմերն էլ մենք պետք է բացահայտենք:

Գալոփ ընկերությունը  վերջին 40-50 տարին ԱՄՆ ում ուսումնասիրություններ է կատարել ավելի քան 4 մլն մարդկանց մեջ, որը կատարվել է հետևյալ կերպ. մարդուն ուղղվում է մոտ 180 հարցադրում, որոնց նա պետք է պատասխանի 20 վայրկյանում՝ ընտրելով երկու տարբերակներից մեկը: Վերջում արդյունքները ամփոփելով, համակարգը հարցվողին տալիս է քաղվածք իր 5 ուժեղ կողմերի մասին: Տեսությունը հետևյալն է, որ կա 34-37 մարդկային հատկանիշ, որոնցից 5-7-ը դոմինանտ են: Եվ հաճախ մենք չգիտենք, թե դրանք որոնք են:

Գոյություն ունի 4 առանցք՝

•Հարաբերվել

•Ազդել

•Ձգտել

•Մտածել

Եվ թեստի միջոցով այս առանցքներից ընտրվում են այն հատկանիշները՝ ուժեղ կողմերը, որոնք բնորոշ են մարդուն:

Դրանք են՝

•Հմտություն- այն է, ինչը մեզ մոտ լավ է ստացվում տեխնիկական առումով,

•Գիտելիք- որ ոլորտում  մենք գիտելիք ունենք, այսինքն տեղեկացված ենք, ուսումնասիրել ենք, բանիմաց ենք,

•Տաղանդ-  այն է, ինչը մեզ մոտ լավ է ստացվում առանց որևէ ջանք գործադրելու:

Եթե մենք այս 3 կողմերը մարզենք, դրանք կդառնան ուժեղ կողմեր:

Հաջորդ՝« SIMA» մոտեցման էությունը կայանում է նրանում, որ պետք է նկարագրեք 8 նվաճումներ կամ գործողություններ, որոնք ըստ ձեզ՝

1.Լավ եք կատարել

2.Հաճույք եք ստացել դրանք անելիս կամ

3.Ստացել եք խորը բավարավածություն կամ ձեռքբերման զգացում:

Այդ 8 նվաճումներից ընտրում ենք 4-ը որոնք ավելի ենք գերադասում, և դրանք ավելի լավ ենք նկարագրում, այնուհետև կիսվում ենք, վերլուծում և բացահայտում մեր թույլ և ուժեղ կողմերը այս կամ այն իրավիճակում:

Ներկայացնենք նաև «Բախտավոր մարդկանց»  4 սկզբունքները՝ ըստ Դր.Ռ.Վայզի.

1.Նրանք կարող են տրված հնարավորությունները առավելագույնս օգտագործել

2.Նրանք տեղ են տալիս իրենց ինտուիցիային և զարգացնում են լսելու արվեստը

3.Նրանք նախաձեռնում են հավատալով դրական արդյունքներին

4.Իրենց վերաբերմունքով նրանք վատ բախտը փոխում են դրականի:

•Իրավիճակներին նայենք տարբեր ձևերով

•Չնդունենք մեր անօգնականությունը ներկայի պայմանների ճնշման տակ

•Դրսևորենք համառություն և հարատևություն մեր կոչման մեջ

•Ուսումնասիրենք ինքնադրսևորման այլ ոլորտներ:

Ապրել քո կոչմանը համաձայն, թանկ հաճույք է և իր գինն է պահանջում: Հիսուսին հետևելու համար պետք է հաշվես դրա համար վճարվող գինը, նոր քո խաչը վերցնես և նրա հետևից գնաս: Շատ մարդիկ իրենց դա չեն կարող թույլ տալ, նրանց համար ավելի լավ է ապրելու հեշտ տարբերակ գտնելը:

Կարծիքներ՝

Սոնա Օհանյան

Անի Հարությունյան