ՆՈՐՈՒԹՅՈՒՆՆԵՐ

Շատ հետաքրքիր է, որ նույն ծնողներն ունենում են տարբեր արտաքինով ու ներքնաշխարով երեխաներ: Նրանցից յուրաքանչյուրը սիրում է իր ծնողին: Բայց ակնհայտ է, որ հաճախակի խնդիրներ են առաջանում երեխաների միջեւ: Սրանում ամենաբարին այն է, որ ծնողի սերը հասկանում է յուրաքանչյուրին, բավարարում է ամենքի կարիքները, բերում է հաշտություն հարաբերություններում...

Յուրաքանչյուրիս տրված է այս հրաշքը, որին նայելով կարող ենք ավելի պարզ հասկանալ ու ճանաչել Հոր սերն ու Նրա նպատակները Իր ընտանիքի հետ կապված, որն է Եկեղեցին:

«8 Ապա իր ծառաներին ասաց. «Հարսանիքը պատրաստ է, բայց հրաւիրուածները արժանի չէին։ 9 Արդ, գնացէ՛ք հրապարակները եւ ում որ գտնէք, կանչեցէ՛ք հարսանիքի»։ 10 Եւ ծառաները ճանապարհների վրայ ելնելով՝ հաւաքեցին բոլոր նրանց, ում գտան՝ ե՛ւ չարերին, ե՛ւ բարիներին. եւ հարսանիքը լցուեց հրաւիրուածներով». Մատթ. 22.8-10:

44 Իսկ ես ձեզ ասում եմ. սիրեցէ՛ք ձեր թշնամիներին, օրհնեցէ՛ք ձեզ անիծողներին, բարութի՛ւն արէք ձեզ ատողներին եւ աղօթեցէ՛ք նրանց համար, որ չարչարում են ձեզ եւ հալածում, 45 որպէսզի որդիները լինէք ձեր Հօր, որ երկնքում է. քանի որ նա իր արեգակը ծագեցնում է չարերի եւ բարիների վրայ եւ անձրեւ է թափում արդարների եւ մեղաւորների վրայ (Մատթ. 5. 44-45)։

Այս ամենը հասանելի է բոլոր նրանց, ովքեր մնում են Հոր ներկայության մեջ, Նրա տան մեջ: Անառակ որդու վերադարձը պատմությունը Հոր Սիրո վառ օրինակն է: Տղան, ով հեռացավ հոր տանից, ամեն բան կորցրեց դրսում: Բայց կար մեկ եւ ամենամեծ մխիթարությունը, հայրը սպասում էր նրան: Պատմությանը նայելով հասկանում ես, որ եղբայրը խնդիր ուներ իր էության մեջ՝ սիրո պակաս դեպի իր եղբայրը: Բայց հոր սերը չանտեսեց նաեւ նրան եւ իր սիրո խրատն էլ շտկեց տրտնջացող ու դժկամ որդուն...