ՆՈՐՈՒԹՅՈՒՆՆԵՐ

Հուլիսի 7-ին «NG|YOUTH» երիտասարդկան ծառայությունը հյուրընկալեց Ռուսաստանի Իժևսկ քաղաքի «Կյանքի Խոսք» եկեղեցու հովիվ Սուսաննա Օգանեզովային:

Աշխույժ փառաբանությունից հետո երիտասարդկան ծառայության առաջնորդ Գոռ Կարապետյանը ներկայացրեց հյուրին` պատմելով Իժևսկում իր այցելության ժամանակ ստացած ջերմ ընդունելությունից և տպավորություններից:

Այնուհետև հովիվ Սուսաննա Օգանեզովան մտերմիկ զրույց սկսեց երիտասարդների հետ: Հյուրը խոսեց միաբանության մասին: Նա մասնավորոպես ասաց. «Ինչպես Դանիելի երեք ընկերները, մեր երիտասարդները նույնպես պետք է միաբան լինեն: Ոչ թե միատեսակ կամ միանման հագնվեն, խոսեն, այլ միաբան լինեն Հոգու մեջ և Խոսքի շուրջը: Այս երեք երիտասարդները չկերակրվեցին, չսնվեցին «աշխարհի սեղանից» , նրանք միաբանվեցին հոգևոր սկզբունքների շուրջը: Չնայած ենթարկվեցին կրակե հնոցի մեջ գցվելու փորձությանը, բայց դրանից այրվեցին միայն նրանց կապանքները: Մի սնվեք «աշխարհի սեղանից, եղեք յուրահատուկ, անհատական, բայց միևնույն ժամանակ` միաբան եկեղեցու շուրջը: Մի դատապարտեք ձեզ պես չմտածողներին, սիրեք և ընդունեք նրանց, և դա կփոխի նրանց»:

Այնուհետև երտասարդներից ոմանք իրենց հետաքրքրող հարցերն ուղղեցին հովիվ Սուսաննային, ինչին նա մեծ սիրով և անկեղծությամբ պատասխանեց:

Այս մտերմիկ զրույցը շարունակվեց փոքրիկ հյուրասիրության ընթացքում, որի ժամանակ երիտասարդները շփվեցին ինչպես հյուրի, այնպես էլ միմյանց հետ:

Լիլիթ Ստեփանյան

Արմեն Ենգոյան

Ես այսօր հասկացա, որ ինչպես հովիվը նկատեց, չպետք է ժամանակ ծախսենք «մեռած» ու դեպի հոգևոր մահ տանող կապերի ու հարաբերությունների վրա, ինչ գործ ունի լույսը խավարի հետ...

Տիգրանուհի Միրզոյան

«NG|YOUTH» երիտասարդկան ծառայություն