ՆՈՐՈՒԹՅՈՒՆՆԵՐ

Տիրոջ հետ մենակ մնալու անհրաժեշտությանն էր նվիրված «Նոր սերունդ» եկեղեցու ապրլի 27-ի քարոզը: Պատգամախոսը Նարինե Մխիթարյանն էր:

«Տէր, դու քննում ես ինձ եւ ճանաչում ես ինձ»,- ասում է սաղմոսերգուն (Սաղմ.139:1)։

Երբ սրտնեղում ենք, հարցեր ունենք, որոնց պատասխանները չգիտենք, չենք համաձայնվում Աստծո հետ, գանգատվում ենք՝ Աստված գիտի այդ ամենը:

Եվ երբ մենակ ենք մնում, մեզ թվում է, թե չկա մեկը որ մեզ հասկանա: Մենակությունն այն չէ, երբ ոչ-ոք չկա կողքիդ: Մենակությունն այն է, երբ ոչ-ոք չկա, որ քեզ հասկանա: Այդ ժամանակ միայն Տերն է հասկանում մեզ ու խոսում է մեզ հետ:

Աստված Աբրահամին առանձնացրեց բոլորից ու օրհնեց նրան ու նրա սերունդները (Ծնն. 12:1-3): Մովսեսը խորանը կանգնեցրեց բանակից դուրս: Նա ամեն անգամ առանձնանում էր Աստծո խորանում և Տերը խոսում էր նրա հետ (Ել.33:7-11): 

Ուրեմն, առանձնացի՛ր Աստծո հետ, որպեսզի նա ասի՝ Ես քո Հայրն եմ, դու էլ ասես՝ ես Քո որդին եմ: Ու ոչ միայն շուրթերով ասես դա, այլ ապրես դրանով, զգաս ամբողջ խորությամբ:

Ավելին՝ երբ մենակություն կապրես, օգտագործի՛ր դա Աստծուն ճանաչելու համար: Ու Աստված էլ կճանաչի քեզ: Եվ երբ գա ժամանակը, չի ասի՝ «Երբէք ձեզ չեմ ճանաչել. ինձանից դէն գնացէք, ով անօրէնութիւն գործողներ» Մատթ. 7:23։

Սեփ. լրատվություն