«Նոր սերունդ» եկեղեցու հովիվ Տիգրան Թադևոսյանը ծառայեց Գերմանիայի Բիլեֆելդ քաղաքում
Գերմանիայի Բիլեֆելդ քաղաքի «Նոր սերունդ» եկեղեցին անցած կիրակի տոնում էր իր հիմնադրման տասներկու ամյակը: Երևանի «Նոր սերունդ» եկեղեցու հովիվ Տիգրան Թադևոսյանը, ով այս օրերին գտնվում է Գերմանիայում, հրավիրված էր մասնակցելու տոնական միջոցառմանը և ծառայելու եկեղեցուն:
Միջոցառումը սկսվեց համերգային գեղեցիկ ծրագրով՝ երկրպագության և փառաբանության երգերով: Այնուհետև, որպես օրվա միակ պատգամախոս, ծառայեց հովիվ Տիգրան Թադևոսյանը:
Հովիվն իր խոսքում նշեց, որ համաձայն հրեական օրենքի, պատանին տասներկու տարեկանից հետո համարվում է չափահաս: Հետևաբար Բիլեֆելդի եկեղեցին նույնպես թևակոխում է չափահասության տարիքը: Եվ հովիվն էլ եկեղեցուն դիմեց չափահասին արժանի պատգամով: Իր խոսքը հովիվը նվիրել էր աղոթքին, որը փոխում, նորոգում է թագավորությունը և տանում է դեպի Արքայություն:
Խոսքի ընթացքում հովիվը մարգարեացավ Բիլեֆելդի եկեղեցու վերաբերյալ և եկեղեցին ընդունեց մարգարեությունը:
Վերջում ամբողջ եկեղեցին աղոթեց հովիվ Հայկուհու համար:
Հովիվը հրավեր ստացավ առաջիկայում ծառայելու նաև Հաննովեր քաղաքի «Նոր սերունդ» եկեղեցում:
Սեփ. լր.
