ՆՈՐՈՒԹՅՈՒՆՆԵՐ

Նա օրհնեց՝ «մեր երկրի ապագա նախագահներին, թագավորներին, նախարարներին, երկիրը կառուցողներին ու ծաղկեցնողներին»: Ամբողջ եկեղեցին հոտնկայս աղոթեց երեխաների համար: Աղոթքից հետո երեխաները գնացին եկեղեցու գրասենյակ՝ տոնելու իրենց տոնը:

Պատգամախոսն իր խոսքը նվիրել էր հավատարմությանը:

Աստվածաշունչում սկզբից մինչև վերջ խոսվում է  հավատարիմ մարդկանց մասին: Հավատարմությունը կայունություն է, հաստատակամություն քո հավատքում և ծառայությունում:

Տերն Ինքը հավատարիմ է, Նա նույնն է երեկ, այսօր և հավիտյան: Հակոբոս առաքյալը վկայում է, որ «Տիրոջ մեջ փոփոխության կամ ետ դառնալու ստվեր իսկ չկա»: Հակ.1:17:

Ու քանի որ Տերը հավատարիմ է, նա մեզնից էլ նույնն է ակնկալում:

Այն անձը, ով հավատարիմ է Տիրոջը, արժանանում է առանձնահատուկ վերաբերմունքի Նրա կողմից: 

Աստված Մովսեսի մասին ասաց. «Իմ ծառա Մովսեսը, որ Իմ ամբողջ տան մեջ հավատարիմ է..., նրա հետ բերնեբերան եմ խոսում, հայտնապես և ոչ թե մթին խոսքերով» Թվ. 12:7-8:

Հավատարմությունն ահրաժեշտ է ամեն տեղ՝ Աստծո նկատմամբ, աղոթքներում, պարգևների մեջ, ընտանիքում, ընկերության մեջ, աշխատանքում: Հավատարմությունն ուխտ է՝ պայմանագիր քո և Աստծո միջև: Եվ այն պետք է անխախտ լինի մինչ ի մահ՝ անկախ իրավիճակներից, անկախ աղոթքիդ պատասխաններից, անկախ ամեն բանից: 

Աստված հարցնում է՝ «Ո՞վ է այն հավատարիմ և իմաստուն ծառան»: Մատթ.24:45:

Աղոթում ենք, որ մենք լինենք այդ հավատարիմը, որ Տերը մեզ կամք ու իմաստություն տա հավատարիմ լինելու հավատարիմ՝ ինչպես որ Ինքն է հավատարիմ:

Սեփ. լրատվություն

Լուսանկարները՝ Արման Սսարգսյանի:

Ալբոմն ամբողջությամբ՝ այստեղ: