Շնորհավոր տոնդ,Ուսանո՜ղ։

Ամսաթիվ: Nov 17, 2014

Ուսանողության միջազգային օրվա կապակցությամբ Միջազգային աստվածաբանական համալսարանի ադմինիստրացիան շնորհավորում է Համալսարանի բոլոր ուսանողներին։

Շնորհավորում և օրհնում ենք ձեզ՝ աղոթելով, որ Տերն օգտագործի ձեր գիտելիքներն Արքայության Ավետարանի տարածման ու հաստատման փառավոր գործում։

Պրահայի համալսարանը փակվեց, և շենքն օգտագործվեց Գերմանիայի զավթիչ ուժերի կողմից: Հիտլերի հրամանով Չեխոսլովակիայի բոլոր բուհերը փակվեցին մինչև պատերազմի ավարտը։ Այդ բռնություններին ուսանողները փորձեցին հակազդել։

Նույն օրը Պրահայի փողոցներում կազմակերպված ցույցով հակաֆաշիստական ուսանողական կոալիցիա հիմնվեց: Երկու տարի անց՝ 1941 թվականին, եվրոպական տարբեր երկրների ուսանողներ Լոնդոնի ուսանողական միջազգային խորհրդում որոշեցին նոյեմբերի 17-ը նշել որպես Ուսանողության միջազգային օր՝ հիմքում ունենալով ֆաշիզմի դեմ պայքարը։

Նոյեմբերի 17-ն աշխարհի տարբեր երկրներում նշվում է որպես Ուսանողության միջազգային օր։

1939թ. նոյեմբերի 17-ին ֆաշիստները շրջափակեցին Պրահայի համալսարանի ուսանողական հանրակացարանը և մոտ 1200 ուսանողների գերեվարեցին համակենտրոնացման ճամբար։ Այդ նույն օրը, ըստ որոշ տեղեկությունների, ինն ուսանող մահապատժի ենթարկվեց։