Ամերիկացի հովիվը հորդորել է առաջիկա ընտրություններում առաջին տեղում դնել Աստծո արքայությունը
«Քրիստոնյաները կարող են քաղաքական հարցերում չհամաձայնել միմյանց հետ, սակայն դա չպետք է խոչընդոտի սիրել մեկը մյուսին»,-ասված է հովվի խոսքում:
Նյու Ջերսիի «Liquid Church» եկեղեցու հովիվ Թիմ Լուկասը գտնում է, որ չնայած տարածված կարծիքին, Ամերիկան քրիստոնեական երկիր չէ:
«Անշուշտ, մեր երկիրը օրհնված է նրանով, որ ձևավորվել է հրեական քրիստոնեական արժեքների ազդեցության ներքո: Սակայն Ամերիկայում Աստծո արքայության արժեքների հիմքը արդեն վաղուց խախտվել է,- նշել է հովիվը,- չէ՞ որ Աստծո արքայությունը հիմնված է զոհաբերության, խոնարհության և սիրո վրա»:
Խոսելով առաջիկա ընտրությունների մասին՝ Թիմ Լուկասը խորհուրդ է տվել առաջին տեղում դնել Աստծո արքայությունը, երկրորդ տեղում՝ կառավարությունը:
«Քրիստոնյաները կարող են քաղաքական հարցերում չհամաձայնել միմյանց հետ, սակայն դա չպետք է խոչընդոտի սիրել մեկը մյուսին»,-ասված է նրա խոսքում:
Աղբյուր՝ mirvam.org
