ՆՈՐՈՒԹՅՈՒՆՆԵՐ

Նորվեգացի հետազոտողներն օրերս հայտնել են, որ եկեղեցի հաճախելը դրական ազդեցություն է ունենում ոչ միայն հոգու, այլ նաև մարմնի վրա. այն կարգավորում է արյան բարձր ճնշումը:

info.sibnet.ru-ի հաղորդմամբ՝ նախկինում նման եզրահանգման են եկել ամերիկացի գիտնականները, սակայն այն հայտարարվել է որպես համընկնում, քանի որ ԱՄՆ-ում կանոնավոր կերպով եկեղեցի է հաճախում բնակչության 40%-ը:

Նորվեգիայում այցելությունները գրեթե 4% են կազմում: Բժիշկներն ուսումնասիրել են 120.000 մարդու, որոնցից եկեղեցի էր հաճախում միայն 5000-ը: Պարզվել է, որ հենց նրանց մոտ արյան ճնշումը ցածր է և նրանք առավել առողջ են:

Այժմ նախատեսվում է հետագա հետազոտություն անցկացնել, հասկանալու` որքանով են կրոնական աշխարհայացքներն ազդեցություն ունենում առողջության ընդհանուր վիճակի վրա: Եվ արդյոք դա բոլոր կրոնների՞ն է վերաբերում…

Աղբյուր՝ crossnews.am