«Սուրբ Ծնունդը Քրիստոսի ծննդյան տոնն է». Բ. Օբամա
Ամերիկացիներին ուղղված իր խոսքում ԱՄՆ-ի նախագահ Բարաք Օբաման խոսել է Սուրբ Ծննդյան մասին` նշելով, որ Քրիստոսի ծնունդն այս տոնի հիմնական պատճառն է:
«Ես և ընտանիքս միլիոնավոր ամերիկացիների
հետ այս ժամանակահատվածում տոնում ենք Քրիստոսի Ծնունդը: Կարծում եմ՝ այս
օրերն առիթ են խորհելու Հիսուսի կյանքի մասին և նմանվելու Նրան». հայտնել է
Օբաման:
«Ամեն տարի մենք խոստանում ենք սիրել մերձավորին, նվիրաբերել մեր անձերը,
պաշտպանել մեկս մյուսին, պահպանել մեր երկիրը: Այս սկզբունքները միավորում
են մեզ բոլորիս»:
Շնորհավորական ուղերձը հղել են երկրի նախագահը և առաջին տիկին Միշել Օբաման՝ մաղթելով բոլորին ուրախ Սուրբ Ծնունդ:
Հավելենք միայն, որ նախագահական զույգը հիշատակել է նաև «Սենդի» փոթորկի և Նյութաունի դպրոցի ողբերգության զոհերին և ևս մեկ անգամ իր ցավակցությունը հայտնել նրանց ընտանիքներին և մտերիմներին:
Աղբյուր՝ crossnews.am
